महेन्द्रनगर । विश्व महामारीको रुपमा फैलिरहेको कोरोना भाइरस रोकथामका लागि सरकारले चैत ११ गते यता गरेको लकडाउन अवधिमा मात्रै कञ्चनपुरमा लागुऔषध सहित ५३ जना प्रकाउ परेका छन् ।
लकडाउन अवधिमा मात्रै जिल्लाका विभिन्न स्थानबाट लागुऔषध बेचविखन,ओसारपसार तथा सेवन गर्दै गरेको अवस्थामा ५३ जनालाई प्रकाउ गरिएको जिल्ला प्रहरी कार्यालयले जनाएइको छ ।
लकडाउन अवधिको (चैत देखी भदौ ) सम्ममा जिल्लाका विभिन्न स्थान बाट लागुऔषध सेवन,बेचविखन तथा ओसारपसार गरिरहेको अवस्थामा ३ जना भारतिय नागरिक,एक महिला सहित ५३ जनालाई प्रकाउ गरिएको जिल्ला प्रहरी कार्यालय कञ्चनपुरका प्रवत्ता एवम् प्रहरी नायव उपरिक्षक अमर बहादुर थापा क्षेत्रीले बताए ।
उनले भने ‘लकडाउनको ६ महिना अवधिमा मात्र २४ दशमलव ४९ ग्राम चरेस, १०३ दशमलव ०३८ ग्राम हेरोइन, २ सय ४ ट्याब्लेट नाइट्रोभेट र ८० ट्याब्लेट स्पास्मो सहित ५३ जना प्रकाउ परेका छन् ।’
डिएसपी थापाका अनुसार प्रकाउ पर्नेमा २४ देखी ४५ वर्ष उमेर समुहका मानिस बढी रहेका छन् । सामाजिक सञ्जालको दुरुपयोग, बेरोजगारी लगाएका कारणले लागुऔषध प्रयोगकर्ता तथा बेचविखन गर्ने बढीहरेका डिएसपी थापाले बताए ।
‘सामाजिक सञ्जालको दुरुपयोग,बेरोजगारी, अभिभावकले आफ्ना बच्चाको ख्याल नगर्दा पछिल्लो समय युवायुवती लागुऔषधमा फस्ने गरेका छन् ।’ डिएसपी थापाले भने ‘ अभिभावकले कम्तिमा पनि आफ्ना बच्चा के गरिरहको छ, को संग संगत गरिरहेको छ भन्ने कुरामा ध्यान दिन जरुरी छ ।’
प्रहरीले यसको न्यूनिकरणका लागि निरन्तर जनचेतनामुलक कार्यक्रम गर्ने गरेको छ ।
यद्यपी यसको पूर्ण न्यूनिकरणका लागि अभिभावक,साथीभाई,शिक्षक,समाजसेवी,पत्रकार सबैले आ–आफ्नो क्षेत्रबाट खट्नु पर्ने डिएसपी थापाले बताए ।
