दिनेश सिंह महरा
महेन्द्रनगर । शनिबार गैर सरकारी संस्था महासंघ सुदूरपश्चिम र निड्स नेपालले कञ्चनपुरका विभिन्न स्थानीय तहमा रहेका क्वारेन्टिन तथा आइसोलेसनहरुको अनुगमन गरेको छ ।
जिल्लाका पुनर्वास, बेलौरी, भीमदत्त नगरपालिका र बेलडाँडी गाउँपालिकामा रहेका आइसोलेसन तथा क्वान्टिनहरुको अवस्था बुझन निरीक्षण गरिएको गैसस महासंघले जनाएको छ ।
निरीक्षणमा गैसस महासंघ सुदूरपश्चिमका अध्यक्ष देवि ज्ञवाली, निड्स नेपालका कार्यकारी निर्देशक भवराज रेग्मी, नागरिक समाज मञ्चका संयोजक भगत सिह विक लगायतको टोली रहेको थियो ।
गैसस महासंघ र निड्स नेपालले यो भन्दा अगाडी कोरोना संग लड्न जिल्लाका क्वारेन्टिन तथा आइसोलेसनमा स्वास्थ्य सामाग्री, पानी ट्याङकी लगाएतका सामाग्री सहयोग गरेका थिए ।
