‘हेमा एक साता देखि सम्पर्कमा छैनन्, मित नाता पर्ने गाउँकै लक्ष्मण पनि गाउँमा छैनन् ’

महेन्द्रनगर । कञ्चनपुरको भीमदत्त नगरपालिका–१० तिलकेनीकी ३५ वर्षीय हेमा धामी एक सातादेखि सम्पर्कविहिन भएकी छन् ।

उनी असोज ८ गतेदेखि घरपरिवारको सम्पर्कमा नरहेको उनका श्रीमान् अर्जुन सिंह धामीले बताए । अर्जुन हाल कामको शिलशिलामा डेढ वर्षेदेखि दुबईमा छन् ।

तीन छोराछोरीकी आमा रहेकी हेमा बेपत्ता भए पछि उनका स–साना छोराछोरी बिचल्लीमा परेका छन् ।

‘हेमा एक साता भन्दा बढिदेखि सम्पर्कमा छैनन्, मित नाता पर्ने गाउँकै लक्ष्मण प्रसाद पन्त पनि गाउँमा छैनन् ।’ दुबईबाट अर्जुनले भने,‘म बिदेशमा छुँ, घरमा स–साना बालबालिका अलपत्र परेका छन् ।’

आफ्नो श्रीमती सोझी स्वभावकी र धैरै लेखपढ नगरीले कसैले प्रलोभन देखाएर वा झुक्काएर बेपत्ता पारेको हुन सक्ने उनले आशंका व्यक्त गरे ।

भीमदत्त नगरपालिका–१० जिमुवाका लक्ष्मण प्रसाद पन्त पनि सोही दिनदेखि सम्पर्कविहिन छन् । लक्ष्मणकी श्रीमती र अर्जुनकी श्रीमती हेमाले एक वर्ष अगाडि मित लगाएका थिए ।

त्यसै नाताले लक्ष्मण हेमाको घरमा आइरहेने र चिनजान राम्रो भएकोले उनले नै हेमालाई लगेर गएको हुनसक्ने दुवै परिवारका सदस्यहरुको आशंका छ ।

लक्ष्मण पनि विवाहित हुन् । उनको एक छोरा छ । उनीहरु दुवै जना भारततर्फ गएको आशंका गरिएको छ । यद्यपी दुवै जना अहिलेसम्म कसैको सम्पर्क आएका छैनन् ।

असोज ८ गतेदेखि नै लक्ष्मण पनि सम्पर्कमा नआएकोले उनकी श्रीमतीले खोजतलासका लागि असोज ९ गते जिल्ला प्रहरी कार्यालयमा निवेदन दिएकी छन् ।

‘खोजतलास र कल डिटेलका लागि जिल्ला प्रहरी कार्यालयमा निवेदन दिएकी छुँ । तर अहिलेसम्म केही केही भएको छैन् ।’ उनले भनिन् ।

अर्जुन बिदेशमा र उनकी श्रीमती एक सातादेखि परिवारको सम्पर्कमा नआए पछि छोराछोरीको बिचल्ली भएको छ । हेमा र अर्जुन २० वर्ष अगाडि बैवाहिक सम्बन्धमा बाँधिएका थिए ।

उनका १५ र १२ वर्षीय दुई छोरी र ६ वर्षीय एक छोरा छन् । एक हप्तादेखि आमा घर नआए पछि छोराछोरी रोइरहेका छन् ।

‘म बिदेशमा छुँ । आमा घर नआएर छोराछोरी रोइरहेका छन् ।’ दुबईबाट रुदै अर्जुनले भने, ‘छोराछोरीको बिचल्ली भयो ।’ श्रीमती सम्पर्कविहिन भए पछि खोजतलासका लागि प्रहरीमा निवेदन दिएको उनी बताउँछन् ।

भारततिर गएको हुनाले भारतमा रहेका नेपालीहरुले कहि कतै फेला परेकामा खबर गरी दिन अर्जुनले आग्रह गरे ।

यता जिल्ला प्रहरी कार्यालय कञ्चनपुरका डीएसपी अमर बहादुर थापाले खोजतलासका लागि हुलिया परिपत्र भएको बताए ।

‘दुवैतर्फबाट खोजतलासका लागि निवेदन आएको छ । हामीले सबैतिर हुलिया परिपत्र गरेका छौँ ।’ डीएसपी थापाले भने, ‘कल डिटेल पनि मागेका छौँ ।’ दैनिक सञ्चार 

ताजा खबर

लियो जिल्ला परिषद् ३२५ ‘एन’ को लोगो तथा नारा सार्वजनिक

कञ्चनपुर -  लियो जिल्ला परिषद् ३२५ ‘एन’ का नवनिर्वाचित...

भन्सार छलीको सामान वरामद

कञ्चनपुर - कञ्चनपुर प्रहरीले ७ लाख ५८ हजार ८...

महेन्द्रनगर बाट धनगढी गईरहेको विङ्गर दुर्घटना

कञ्चनपुर - कञ्चनपरको महेन्द्रनगरबाट धनगढीतर्फ गइरहेको विङ्गर दुर्घटनामा परेको...

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोल अभाव 

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोलको ...

महिला उद्घघोषण तथा घघरीया तथा अंगिया सम्बन्धी पुनर्ताजगी तालिम सम्पन्न

कञ्चनपुर - कञ्चनपुरको कृष्णपुरमा महिला उद्घघोषण तालिम तथा छोटो...

Website developed by:

spot_img

छुटाउनु भयो कि ?