महेन्द्रनगर । सुदूरपश्चिम प्रदेशमा सक्रिय कोरोना संक्रमितको संख्या एक हजार भन्दा बढी पुगेको छ ।
शुक्रबार थप एक सय ५८ जनामा कोरोना संक्रमण पुष्टि भएसंगै सक्रिय संक्रमितको संख्या एक हजार ४ पुगेको स्वास्थ्य निर्देशनालय डोटीले जनाएको छ ।
स्वास्थ्य निर्देशनालय डोटीको तथ्याङक अनुसार सबै भन्दा बढी कैलालीमा ५ सय १७ जना, डोटीमा १ सय ३६ जना, बझाङमा एक सय १० जना सक्रिय संक्रमित रहेका छन् ।
यस्तै अछाममा एक सय ८ , कञ्चनपुरमा ६४ ,बैतडीमा ३०, दार्चुलामा २६, डडेल्धुरमा १२ जना कोरोना सक्रिय संक्रमित रहेका छन् र थप एक जना अन्य जिल्लाका रहेका छन् ।
बाजुरामा भने सक्रिय संक्रमित नरहेको निर्देशनालयले जनाएको छ ।
