महेन्द्रनगर । कैलालीको धनगढीस्थित सेती प्रादेशिक अस्पतालमा उपचाररत कोरोना संक्रमित महिलाको मृत्यु भएको छ ।
जिल्लाको धनगढी उपमहानगरपालिका–५ की ५७ बर्षीया संक्रमित महिलाको बुधबार मृत्यु भएको सेती प्रादेशिक अस्पतालले जनाएको छ ।
सेती सूचना अधिकारी श्रेष्ठका अनुसार उनलाई भदौ १७ गते कोरोना पुष्टि भएको थियो ।
‘ती महिलाई १७ गते कोरोना संक्रमण पुष्टि भएको थियो ।’ सूचना अधिकारी श्रेष्ठले भने ‘उनको भेन्टिलेटरमा राखेर उपचार भईरहेको थियो । उपचारकै क्रमका आज साँझ ५ बजे उनको मृत्यु भएको हो ।’
यो संगै सुदूरपश्चिममा कोरोनाका कारण मृत्यु हुनेको संख्या १२ पुगेको स्वास्थ्य निर्देशनालय डोटीले जनाएको छ ।
