महेन्द्रनगर १६ भदौ । कञ्चपरको महेन्द्रनगरमा रहेको भीमदत्त स्मृति उद्यान व्यवस्थित बनाईने भएको छ । भीमदत्त नगरपालिकाले १० वर्ष ठेक्का सम्झौता रद्द गरि थप व्यवस्थीत बनाउन लागेको हो ।
भीमदत्त नगरपालिका–१८ का वडाध्यक्ष राजेन्द्र पाण्डेयले महेन्द्रनगरको केन्द्रमा रहेको पार्कलाई व्यवस्थित बनाईन लागिको बताए । उनका अनसार यस अघि सञ्चालन गरिरहेको पक्षसँग सम्झौता खारेज गरि पुनः संरचना निर्माणसँगै व्यवस्थित गरिन लागिएको हो ।
नगरपालिकाले विनियोजन गरेको उद्यान व्यवस्थापन तथा सञ्चालन बजेटबाट पहिलो चरणमा पार्क सरसफाईको काम भईरहेको छ ।
‘अहिले वडा कार्यालयले दैनिक ज्यालादारीमा मजदर खटाएर सरसफाई र घाँस उखेल्ने काम गरिरहेको छ’ अध्यक्ष पाण्डेयले भने ‘पार्कलाई व्यवस्थित बनाउने योजना छ, भौतिक संरचनासँग अन्य मनोरञ्जनका सामाग्रीहरु ल्याउँदै छौ ।’
यस अघि पार्क झाडी र बट्यानले भरिएको, घाँस उम्रेको थियो भने पयाप्र्य मनोरञ्जनका साधनको पनि अभाव थियो ।
महेन्द्रनगर बजारमै मनोरञ्जनका लागि सबैको रोजाईको गन्तव्यका रुपमा पार्कलाई मर्मत संभार र व्यवस्थित बनाईन लागिएको अध्यक्ष पाण्डेयको भनाई छ । पार्क भित्र चमेना,गृह पार्कीङ स्थल, बगैँचा समेत निर्माण हनेछ ।
साथै पार्क सञ्चालनका लागि वडा कार्यालय आफैले जिम्मेवारी लिने अध्यक्षले बताए । उनका अनसार कर्मचारी राखेर पार्क सञ्चालनमा ल्याईने छ ।
