महेन्द्रनगर । कञ्चनपुरको महेन्द्रनगर स्थित महाकाली अस्पतालमा आइसियू सेवा सञ्चालनमा आएको छ ।
सोमबार एक कार्यक्रमका विच प्रतिनिधिसभा सांसद निरु देवी पालले रेवन काटेर अस्पतालको आइसियूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूूू सेवाको उद्धघाटना गरेकी हुन् ।
महाकाली अस्पताल स्थापनाको ५७ वर्ष पछि पहिलो पटक सघन उपचार (आइसियू) सेवा सञ्चालनमा आएको व्यवस्थापन समितिका अध्यक्ष कृष्णदत्त जोशी (बोक्सर) ले बताए ।
जनशक्ति अभावले सघन उपचार (आइसियू) सेवाका लागि उपकरण जडान भएको लामो समय भइसक्दा पनि सञ्चालनमा आउन सकेको थिएन । सुदूरपश्चिम प्रदेशको आर्थिक सहयोगमा लामो समयको प्रयासपछि आइसियू सञ्चालनमा ल्याउन सफल भएको अध्यक्ष जोशी बताउँछन् ।
अहिले ३ भेन्टिलेटर जडान गरेर ६ बेडको आइसियू सेवा सञ्चालन गरिएको उनले बताए । ‘आइसियू सञ्चालनका लागि प्रदेशले एक करोड बजेट दिएको छ । अक्सिजन प्लान्टका लागि छुट्टै ८० लाख रकम आएको छ । तर लकडाउनका कारण बाहिरबाट मगाउन नसक्दा हाल त्यो रोकिएको छ ।’ उनले भने, ‘अक्सिजनका १० वटा सिलिण्डरमार्फत अस्थायी रुपमा आइसियू सेवा सञ्चालन गरिएको हो ।’
अक्सिजन प्लान्टका लागि चैत्र ७ गते नै टेण्डर आह्वान गरे पनि बाहिर देशबाट मगाउनु पर्ने भएकाले अहिले त्यो आउन नसकेको हो ।
‘यहाँका बिरामीहरु बाहिर जान नपरोस भनेर हामीले अस्थायी रुपमै भएपनि आइसीयू संचालन गरेका छौँ ।’ अध्यक्ष जोशीले भने, ‘अझै पनि हामीसँग जनशक्तिको कमि छ ।त्यसका लागि माथी पहल भइरहेको छ ।’
तत्कालै आइसियू कक्षमा ४ वटा भेन्टिलेटर र १० वटा बेड थप्ने तयारी भइरहेको अस्पतालले जनाएको छ ।
आइसियू सेवामा डा. अर्जुन भट्ट, एनएस थेसिया विशेषज्ञ डा. बिरेन्द्र बुडाल सहितको टिम खटिएको छ ।
