महेन्द्रनगर । कञ्चनपुरका पत्रकार तथा समाजसेवी मदन गिरीले आफ्नो जन्मदिनको अवसरमा अनाथालयमा रहेका बालबालिकाहरुलाई खिर खुवाए छन् ।
सोमबार जिल्लाको महेन्द्रनगर स्थित महाकाली समाज कल्याण अञ्चल बाल अनाथालयका बालबालिकालाई खिर खुवाएर पत्रकार गिरीले आफ्नो जम्मदिन मनाएका छन् ।
पछिल्लो समय जन्मदिनमा ठुल–ठुला होटेलमा गएर धेरै पैशा खर्च गर्ने परिपाटी रहेका बेला आफुले नयाँ कामको थालनी गरेको गिरीले बताए ।
सुदूरपश्चिमाञ्चल विश्वविद्यालय केन्द्रीय क्याम्पस बिबिए ७ औँ सेमेस्टरमा अध्ययनरत गिरी आर्थिक अभियान राष्ट्रिय दैनिकका कञ्चनपुर समाचारदाता हुन् ।
उनी देशपार्टी, सुदूरपश्चिम खबर डटकम अनलाईका साथै कञ्चन टुडे दैनिकका कार्यकारी सम्पादक हुन् । उनि लियो क्लव अफ शुक्लाफाँटा स्माइलका पूर्व अध्यक्ष पनि हुन् ।
पत्रकार गिरीको समाजिक कार्यप्रति कञ्चनपुरका पत्रकार हर्षित भएका छन् ।
स्वतन्त्र पत्रकार संघ कञ्चनपुरका सचिव समेत रहेका पत्रकार गिरी पछिल्लो युवा पुस्ताका जुझारु पत्रकारका रुपमा गनिन्छन् ।
गिरीले निरन्तर यस्ता सामाजिक कार्य गर्दै आएक छन् ।