महेन्द्रनगर । सुदूरपश्चिम प्रदेशमा कोरोना संक्रमितको संख्या ५ हजार २ सय २४ पुगेको छ । प्रदेशमा आइतबार थप ७५ जनामा कोरोना पुष्टि भएको छ ।
सेती प्रादेशिक अस्पतालको प्रयोगशालामा गरिएको परिक्षणमा ४२ जना र डडेल्धुरा अस्पतालको प्रयोगशालामा गरिएको परिक्षणमा ३३ जनामा कोरोना पुष्टि भएको छ ।
धनगढी स्थित सेती प्रादेशिक अस्पतालको प्रयोगशालामा गरिएको परिक्षणमा कैलालीको घोडाघोडी नगरपालिकाका एक महिला,३ पुरुष,गोदावरी नगरपालिकाका ५ महिला,१० पुरुष,धनगढी उपमहानगरपालिकाका ४ महिला, ४ पुरुषमा,भजनी नगरपालिकाका एक महिला, ३ पुरुष र जोशीपुर गाउँपालिकाका एक पुरुषमा कोरोना पुष्टि भएको सेती प्रादेशिक अस्पतालले जनाएको छ ।
यस्तै कञ्चनपुरको पुनर्वास नगरपालिकाका २ महिला,४ पुरुष,कृष्णपुर नगरापलिकाका एक महिला, एक पुरुष र कञ्चनपुरकै २ पुरुषमा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।
उता डडेल्धुरा अस्पतालको प्रयोगशालामा गरिएको परिक्षणमा डडेल्धुराको गन्यापधुरा गाउँपालिका र अजयमेरु गाउँपालिकाका एक÷एक जनामा संक्रमण पुष्टि भएको छ ।
यस्तै अछामको पञ्चदेबल विनायक नगरपालिकाका ६, मंगलसैन नगरपालिकाका १७, बझाङको केदारस्यूँ गाउँपालिकाका २, बुङगल गाउँपालिकाका एक, दार्चुलाको मालिकार्जुन गाउँपालिकाका एक र बैतडीका ४ जनामा संक्रमण पुष्टि भएको डडेल्धुरा अस्पताल कोभिड–१९ परिक्षण प्रयोगशालाका इन्चार्ज ईश्वरी प्रशाद भूषालले बताए ।
प्रदेशमा हाल सम्म जम्मा संक्रमित मध्ये ४ हजार ३ सय ७६ जना विभिन्न अस्पतालबाट डिस्चार्ज भइसकेका छन् भने ९ जनाको मृत्यु भएको स्वास्थ्य निर्देशनालय डोटीले जनाएको छ ।
