महेन्द्रनगर । अछामको रामारोशन गाउँपालिकास्थित कैलाश खोलामा आएको बाढीले बगाएका थप एक जनाको शव फेला परेको छ ।
मंगलबार राती कैलाश खोलामा आएको बाढीले बगाएका रामारोशन गाउँपालिकाका–५ सैनीबजार कै १८ वर्षिय रुपेश साउँद शव फेला परेको जिल्ला प्रहरी कार्यालय अछामका प्रमुख प्रहरी नायव उपरिक्षक योगेन्द्र सिंह थापाले बताए ।
उनले भने ‘थप एक जनाको शव फेला परेको छ,तर बाकीँ १० जना अझै सम्पर्कविहिन नै छन् ।’
सैनिबजारका १३ वर्षिय नविन साउँद, ३३ वर्षिया गौरी शाह,४८ वर्षिय चन्द्र साउद, ४५ वर्षिय अमर बहादुर शाह,२२ बविता बुडा साउद र रामारोश गाउँपालिका–८ बारलाका ४७ वर्षिया लालसरा शाहीको बुधबार नै शव फेला परेको थियो ।
मंलबार राति १ बजे अविरल वर्षासंगै कैलाश खोलामा आएको बाढीले रामारोशन गाउँपालिका–५ स्थित सैनि बजारका ३० पसल तथा घर बगाउँदा १७ जना बेपत्ता भएका थिए ।
बेपत्ता भएकाहरुको खोजी कार्य भइरहेको प्रहरीले जनाएको छ ।
