महेन्द्रनगर । अछामको रामारोशन गाउँपालिकास्थित कैलाश खोलामा आएको बाढीले बगाउँदा बुधबार राती ६ जनाको मृत्यु भएको छ ।
बाढीले बगाउदाँ रामारोशन गाउँपालिका–५ सैनिबजारका १३ वर्षिय नविन साउँद,३३ वर्षिया गौरी शाह र ४८ वर्षिय चन्द्र साउँद, ४५ वर्षिय अमर बहादुर शाह,२२ बविता बुडा साउँद र रामारोश गाउँपालिका–८ बारलाका ४७ वर्र्षिया लालसरा शाहीको मृत्यु भएको जिल्ला प्रहरी कार्यालय अछामका प्रहरी निरिक्षक रमेश अवस्थिले बताए ।
उनकाअनुसार नविन,गौरी र चन्द्रको बुधबार नै सनाखत भएको थियो भने बाकीँ को आज सनाखत भएको हो ।
बुधबार राती १ बजे अविरल वषाए संगै कैलाश खोलामा आएको बाढीले रामारोशन गाउँपालिका–५ स्थित सैनि बजारका ३० पसल तथा घर बगाउँदा १७ जना बेपत्ता भएका थिए ।
बेपत्ता मध्ये ६ जनाको शव बुधबार नै भेटिएको थियो भने बाकी ११ जना अझै सम्पर्क विहिन रहेका छन् ।
बेपत्ता भएकाहरुको खोजी कार्य भइरहेको प्रहरीले जनाएको छ ।
