महेन्द्रनगर । सुदूरपश्चिम प्रदेशमा थप ४७ जनामा कोरोना पुष्टि भएको छ ।
विहिबार डडेल्धुरा अस्पतालको प्रयोगशालामा गरिएको परिक्षणमा एकैदिन ४७ जनामा कोरोना पुष्टि भएको हो ।
डडेल्धुरा अस्पतालका अनुसार अछामका ३०,डोटीका १६ र डडेल्धुराका एक जनामा कोरोना पुष्टि भएको छ ।
अछामको साँफेबगर नगरपालिकाका १५ जना,मेल्लेक गाउँपालिकाका १५ जना गरी जम्मा ३० जनामा कोरोना पुष्टि भएको डडेल्धुरा अस्पताल कोभिड–१९ परिक्षण प्रयोगशालाका इन्चार्ज ईश्वरी प्रशाद भूषालले बताए ।
त्यस्तै डोटीको आदर्श गाउँपालिकाका १६ र डडेल्धुराको गन्यापधुरा गाउँपालिकाका एक जनामा कोरोना पुष्टि भएको छ ।
यो संगै सुदूरपश्चिमा कोरोना संक्रमितको संख्या ४ हजार ९ सय ६० पुगेको छ ।
प्रदेशमा हालसम्म जम्मा संक्रमित मध्ये ४ हजार ३ सय ४३ जना विभिन्न अस्पतालबाट डिस्चार्ज भएका छन् भने ९ जनाको मृत्यु भएको स्वास्थ्य निर्देशनालय डोटीले जनाएको छ ।
