महेनद्रनगर । समाजसेवी तथा बैतडीको सिगाँस गाउँपालिकाका लेखापाल पुस्कर विष्टले आफ्नो जन्मदिनको अवसरमा फलफुल अण्डा तथा मिठाई वितरण गरेका छन् ।
आइतबार विष्टले आफ्नो २४ औँ जन्मदिनको अवसरमा कञ्चनपुरको महेनद्रनगर स्थित महाकाली अञ्चल बाल अनाथालयका बालबालिकालाई फलफुल,अण्डा र मिठाई वितरण गरेका हुन् ।
पछिल्लो समय जन्मदिनमा ठुल–ठुला होटेलमा गएर धेरै पैशा खर्च गर्ने परिपाटी रहेका बेला आफुले नयाँ कामको थालनी गरेको विष्टले बताए ।
पत्रकारीता छोडेर सरकारी सेवामा लागेका विष्ट निरन्तर यस्ता सामाजिक कार्य गर्दै आएका छन् ।
