महेनद्रनगर । सुदूरपश्चिममा कोरोना संक्रमितको संख्या ४ हजार ५ सय ७१ पुगेको छ । प्रदेशमा थप २३ जनामा कोरोना पुष्टि भएको छ ।
आइतबार धनगढीस्थित सेती प्रादेशिक अस्पताल प्रयोशालामा गरिएको परीक्षणमा कैलालीका २२ सहित सुदूरपश्चिममा थप २३ जनामा कोरोना पुष्टि भएको सेती प्रादेशिक अस्पतालले जनाएको छ ।
सेती प्रादेशिक अस्पतालका सूचना अधिकारी दिलिप कु्मार श्रेष्ठका अनुसार आइतबार २ सय ३८ जनाको कोरोना परिक्षण गरिएकोमा कैलालीका २२ र बैतडीका एक जनामा कोरोना पुष्टि भएको छ ।
कैलालीको टीकापुर नगरपालिकाका २ महिला र ५ पुरुष गरी ७ जना, मोहन्याल गाउँपालिकाका २ पुरुष, बर्दगोरी गाउँपालिकाका ३ महिला र ५ पुरुष गरी ८ जना, जोशीपुर गाउँपालिकाका एक पुरुषमा कोरोना पुष्टि भएको सूचना अधिकारी श्रेष्ठले बताए ।
त्यस्तै कैलालीकै धनगढी उप–महानगरपालिकाका २ पुरुष, घोडाघोडी नगरपालिकाका एक पुरुष र गोदावरी नगरपालिकाका एक पुरुष र बैतडीका एक पुरुषमा पनि कोरोना पुष्टि भएको छ ।
सुदूरपश्चिम प्रदेशमा संक्रमण पुष्टि भएकामध्ये ३ हजार ४६ जना डिस्चार्ज भएर घर फर्किएका छन् भने नौँ जनाको मृत्यु भइरहेको छ ।
