बैतडी । लगातार परेको अविरल वर्षाका कारण भत्किएको बाटो स्थानियको अग्रसरतामा मर्मत गरिएको छ ।
बैतडीको दशरथचन्द नगरपालिका– ९ स्थित रहेको प्रशिद्ध गैरिचाडी मन्दिरसम्म जाने बाटो लगातारको वर्षाका कारण भत्किएपछि ग्वाल्लेक प्रवासी युवा समाजको आर्थिक सहयोग तथा स्थानियहरुको पहलमा मर्मत गरिएको हो ।
ग्वाल्लेक प्रवासी युवा समाजको आर्थिक सहयोग र स्थानियहरुको पहलमा उक्त भत्किएको बाटो ढुङगाले सोलिङग गरि मर्मत तथा निर्माण गरिएको स्थानिय केशव जोशीले बताए ।
उनले भने ‘सामान्य पानी पर्दा समेत हिड्नै नसकिने र बाहिरबाट आउने भक्तजनलाई समेत अफ्ठेरो परेका कारण राज्यलाई कुरेर बस्नु भन्दा आफै केही गरेर देखाउँने उदेश्यका साथ बाटो निर्माण कार्य थालिएको हो ।’
उनका अनुसार ग्वाल्लेक प्रवासी युवा समाजको ५० हजार आर्थिक सहयोग तथा स्थानियहरुको श्रम दान बाट बाटो मर्मत तथा निर्माण गरिएको हो ।
