महेन्द्रनगर । कैलालीमा कोरोना संक्रमितको संख्या १ हजार ६१ पुगेको छ ।
आइतबार जिल्लामा थप २४ जनामा कोरोना पुष्टि भएको छ ।
धनगढी स्थित सेती प्रादेशिक अस्पतालको प्रयोगशालामा गरिएको परिक्षणमा थप २४ जनामा कोरोना पुष्टि भएको सेती प्रादेशिक अस्पतालले जनाएको छ ।
आइतबार जिल्लाको बर्दगोरिया गाउँपालिकाका दुई महिला र ६ पुरुष गरी ८ जना, जोशीपुर गाउँपालिकाका एक महिना र ६ पुरुष गरी ७ जना, गौरीगंगा नगरपालिकाका एक महिला र चार पुरुष गरी पाँच जना, टीकापुर नगरपालिकाका एक महिला र तीन पुरुष गरी चार जनामा कोरोना पुष्टि भएको सेती प्रादेशिक अस्पतालका लसूचना अधिकारी दिलिप कुमार श्रेष्ठले बताए ।
स्वास्थ्य निर्देशनालय डोटीकाअनुसार कैलालीमा हालसम्म संक्रमितमध्ये ४ जनाको मृत्यु भइसकेको छ भने १ सय ३८ जना विभिन्न अस्पतालबाट डिस्चार्ज भएका छन् ।
