महेन्द्रनगर । सुदूरपश्चिम प्रदेशमा कोरोना संक्रमितको संख्या ३ हजार ८ सय २३ पुगेको छ । प्रदेशमा बुधबार थप २२ जनामा कोरोना पुष्टि भएको छ ।
सेती प्रादेशिक अस्पतालमा गरिएको परीक्षणमा १९ जना, डडेल्धुरा अस्पतालमा गरिएको परीक्षणमा दुई जना र सुर्खेत प्रादेशिक अस्पतालमा गरिएको परीक्षणमा एक जनामा कोरोना पुष्टि भएको छ ।
बुधबारं डडेल्धुरा अस्पतालमा गरिएको परीक्षणमा डडेल्धुराका २ जना र सुर्खेत प्रादेशिक अस्पतालमा गरिएको परीक्षणमा अछामका एक जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवत्ता डा. जागेश्वर गौतमले बताए ।
यता सेती प्रादेशिक अस्पतालमा गरिएको परीक्षणमा कञ्चनपुरको बेदकोट नगरपालिकाका एक महिला र १० पुरुष गरी ११ जना, कैलालीको टीकापुर नगरपालिका चार महिला, अछामको चौरपाटी गाउँपालिका दुई महिला र साँफेवगर नगरपालिका दुई पुरुषमा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।
प्रदेशमा संक्रमित मध्ये १ हजार ५ सय ८५ जना डिस्चार्ज भईसकेका छन् भने ८ जनाको मृत्यु भईसकेको छ।
