महेन्द्रनगर । अछामा बैंकका कर्मचारीमा कोरोना पुष्टि भएको छ ।
विहिबार जिल्लाको चौरपाटी गाउँपालिका–१ स्थित रहेको सेन्चुरी बैंकमा कार्यरत एक कर्मचारीमा कोराना पुष्टि भएको हो ।
बैंकमा कार्यरत एक कर्मचारीमा कोरोना पुष्टि भएको चौरपाटी गाउँपालिकाका स्वास्थ्य संयोजक धन बहादुर थापाले बताए ।
उनले भने ‘ती संक्रमित पुरुष चौरपाटी गाउँपालिका–५ लुंग्राका हुन् ।’
उनकाअनुसार असार १९ गते पिसिआर जाँचका लागि ती पुरुषको स्वाब धनगढी स्थित सेती प्रादेशिक अस्पतालमा पठाएकोमा हिजो बिहिबार उनको रिपोर्ट पोजेटिभ आएको हो ।
ती कर्मचारीमा कोरोना पुष्टि भएपछि अहिले बैंक क्षेत्र सील गरी संक्रमितको सम्पर्कमा आएकाहरुको खोजी कार्य भइरहेको गाउँपालिका अध्यक्ष हर्क बहादुर साउँदले बताए ।
