महेन्द्रनगर । कैलालीमा कोरोना संक्रमितको संख्या ९ सय ५४ पुगेको छ ।
सोमबार जिल्लामा थप ८ जनामा कोरोना पुष्टि भएको धनगढी स्थित सेती प्रादेशिक अस्पतालले जनाएको छ ।
जिल्लाको धनगढी उपहानगरपालिकाका ३३,३५ वर्षिया महिला, ३३,२२,२५,५२,४८ वर्षिय पुरुष र गोदावरी नगरपालिकाका ३० वर्षिय महिलामा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।
यो संगै सुदूरपश्चिम प्रदेशमा संक्रमितको संख्या ३ हजार ६ सय ८६ पुगेको छ ।
त्यस्तै प्रदेशमा कोरोनाका कारण हालसम्म ७ जनाको मृत्यु भएको छ भने ६ सय ८० जना विभिन्न अस्पतालबाट डिस्र्चाज भइसकेका छन् ।
