कञ्चनपुरःहुलाकी राजमार्ग निर्माणमा भारतिय पक्षको अवरोध

महेन्द्रनगर । पश्चिम कञ्चनपुर देखी पूर्व झापा सम्म जोड्ने निर्माणधिन नेपालकै दोस्रो लामो राष्ट्रिय हुलाकी राजमार्ग निर्माणमा भारतिय पक्षले पुनः अवरोध गरेको छ ।

यसअघि झन्डै एक वर्ष पहिला पनि सडक निर्माणमा भारतले अवरोध गरेको थियो । आइतबार कञ्चनपुरको बेलौरी नगरपालिका–८ पचुई स्थित रहेको ३८ नम्बर पिल्लर क्षेत्र नजिकै निर्माण भइरहेको हुलाकीमार्गको निर्माण कार्यमा भारतिय पक्षले उत्त भूमी आफ्नो भन्दै अवरोध गरको छ ।

एसएसबी सहित भारतीय प्रशासनिक अधिकारी लगाएतको करिब १ सय ५० जनाको टोली आएर उत्त क्षेत्र भारतको भन्दै सडक निर्माणमा अवरोध गरेको स्थानिय हरीचन्द्र ठकुरीले बताए । स्थानिय ठकुरीका अनुसार भारतिय पक्षले भने बमोजिम सीमा मान्ने हो भने नेपालीहरुले भोगचलन गर्दै आएको झन्डै ३० बिघा जमिन भारत तर्फ जाने छ ।

स्थानीय एव शिक्षक बुद्धिजिवी विवेक लम्सालले भारतीय पक्ष रबैया र दादागिरीशैलीले नेपाली भूमिमै आएर सडक निर्माण कार्य रोकेको बताए ।

‘१ सय ५० जनाको टोली आएको थियो’, ‘उनले भने, ‘सडकको काम रोकेर गए ।’ निर्माण कम्पनीसंग काम नगर्न भनेपछि आइतबारदेखि काम रोकिएको उनले बताए ।

बेलौरी नगरपालिका–८का वडाध्यक्ष नन्द कुमार रानाकाअनुसार भारतीय पक्षले जिपिएस नक्साबाट उक्त सडक भारतको भूमिमा पर्ने दावि गर्दै काममा अवरोध गरेको छ । ‘माथिको विषय भन्दै काम रोकेर गए’, ‘उनले भने, ‘भारतीय पक्षले जहिल्यै अवरोध गर्दै आएको छ ।’

यद्यपी दशगजा क्षेत्रमा सडक निर्माण भइरहेकोले उनिहरु हेर्न मात्र आएका यता प्रमुख जिल्ला अधिकारी नुहरी खतिवडाले बताउछन् । ‘उनिहरु सडक हेर्न आएका हुन् ।

त्यस्तो ठुलो विवाद केही होइन ।’ तर उत्त क्षेत्रको ३७ देखी ३९ नम्बर पिल्लर सम्म सीमा विवाद हुदै आएको छ । स्थानिय ठकुरीले भने ‘उत्त क्षेत्रमा निर्माण भइरहेको हुलाकी राजमार्ग अन्तर्गतकको भू–भाग आफ्नो भन्दै भारतिय पक्षले सडक निर्माण रोक्न लगाएको छ ।’

यद्यपी गुगल म्याप हेर्दा उत्त भूमी नेपालमा परेपछि भारतिय पक्ष फर्केको उनले बताए । उनले भने ‘ गुगल म्याप हेर्दा भारतले आफ्नो भनिरहेको भूमी नेपालतर्फ परेपछि उनिहरु अर्को दिन सीमा विवादबारे छलफल गरीने भन्दै सडक निर्माण कार्य रोकेर फर्केर गए ।’

उत्त सडक निर्माण काम बाबाहंस सिद्धिकी निर्माण सेवाले गर्दै आएको छ । भारतीय एसएसबीले सडकखण्ड निर्माण कार्य नगर्न दवाव दिएपछि निर्माण कार्य आइतबार देखी रोकिएको निर्माण कम्पनीका संचालक चक्र शाहले बताए ।

गत बर्ष ग्राभिलिङ्ग गर्दा भारतीय पक्षले निर्माणमा अवरोध गरेको थियो, आइतबार पुनः कालोपत्रे तयारी गर्दा काम रोकेको शाहले बताए ।

बेलौरी नगरका प्रमुख पोतिलाल चौधरीले यस बारेमा नेपाली सुरक्षा अधिकारी, प्रशासन सहितको टोलीले भारतीय पक्षसंग संयुक्त वार्ता गरेर निकास निकाल्ने बताए ।

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?