महेन्द्रनगर । सुदूरपश्चिम प्रदेशमा आज थप ८५ जनामा कोरोना पुष्टि भएको छ ।
आइतबार थप ८५ जनामा कोरोना पुष्टि भए संगै प्रदेशमा जम्मा संक्रमितको संख्या ३ हजार ६ सय ७८ पुगेको छ ।
राष्ट्रिय जनस्वास्थ्य प्रयोगशालामा गरीएको परीक्षणमा कैलालीका १४ जना, बैतडीका ३ जना, कर्णाली स्वास्थ्य विज्ञान प्रतिष्ठानमा गरीएको परीक्षणमा बाजुराका २० जना र डडेल्धुरा अस्पताल प्रयोगशालामा गरिएको परीक्षणमा डडेल्धुराका ३ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।
यता धनगढी स्थित सेती प्रादेशिक अस्पतालमा गरीएको परीक्षणमा कैलालीका १२ जना,डडेल्धुराका ५ जना र कञ्चनपुरका २८ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलिप श्रेष्ठले बताए ।
प्रदेशमा हालसम्म संक्रमितहरुमध्ये कोरोनाका कारण ७ जनाको मृत्यु भइसकेको छ भने ६ सय ८० जना विभिन्न अस्पतालबाट डिस्चार्ज भएको छन् ।
