महेन्द्रनगर । डोटीमा पहिरोमा पुरीएर ६ महिने शिशुको ज्यान गएको छ ।
अविरल वर्षासँगै आएको पहिरोमा परी आइतबार जिल्लाको पूर्वीचौकी गाउँपालिका –४ सानागाउँ स्थित नुवाकोट टोलका भक्त नेपालीका ६ महिने छोरा छत्र नेपालीको मृत्यु भएको प्रमुख जिल्ला अधिकारी भिमप्रशाद भट्टराईले बताए ।
उनले भने ‘पहिरोमा परी शिशुको मृत्यु भएको छ भने मृतक शिशुकी आमा देवा नेपाली गम्भीर घाइते भएकी छन् ।’ गम्भीर घाइते देवा नेपालीलाई उपचारका लागि जिल्ला अस्पताल डोटीमा ल्याइएको प्रमुख जिल्ला अधिकारी भट्टराईले बताए ।
उनका अनुसार घरभित्र भक्त नेपालीका श्रीमती, दुई छोरा र एक छोरी गरी ५ जना रहेकोमा अरु भने भागेर बाँच्न सफल भएका छन् ।
उनले भने ‘पहिरोले घर भत्काएको छ अन्य के कती क्षती भएको छ भन्ने एकीन जानकारी आएको छैन ।’फाइल फोटो