महेन्द्रनगर । बझाङको केदारस्युँ गाउँपालिका–८ मल्लेसीमा १८ घर बगाउने गरी गएको पहिरोमा ७ जना वेपत्ता भएको थिए ।
ती मध्य ६ जनाको शव फेला परेपनि एक जनाको भने शव फेला नपर्दै खोजी कार्य रोकीएको छ ।
हाल खोजी कार्य रोकीएको केदारस्युँ गाउँपालिका–८ का वडाध्यक्ष गणेश बोहराले बताए ।
उनले भने ‘यहाँ विजुली बत्तिको समस्या भएको र रातमा केही नदेखिने अवस्था भएकोले अहिले खोजी कार्य रोकिएको हो ।’ उनले थपे ‘अब भोली विहानै देखी खोजी कार्य गरीने छ ।’
गएराती १ बजेतिर गएको पहिरोमा पुरीएका ७ जनामध्ये ६ जानको शव भेटिएको र अन्य एक जना अझै सम्पर्कविहिन रहेका छन् ।
वडाध्यक्ष बोहराका अनुसार पहिरोमा पुरीएका १२ वर्षिय प्रयाग जेठारा,८० वर्षिय दले जेठारा,४० वर्षिया राममती जेठारा र १३ वर्षिया अस्मिता जेठारा, १३ वर्षिया सन्तु जेठारा,१५ वर्षिया शान्ति जेठाराको शव भेटिएको छ ।
यद्यपी गिरी जेठारा अझै सम्पर्कविहिन रहेका छन् ।
