महेन्द्रनगर । बझाङको केदारस्युँ गाउँपालिका–८ मल्लेसीमा गएको पहिरोमा पुरिएका ३ जनाको शव भेटिएको छ ।
गयराती १ बजेतिर गएको पहिरोमा पुरीएका ३ जनाको शव भेटिएको र अन्य ४ जना व्यक्तिहरू अझै सम्पर्कविहीन रहेको केदारस्युँ गाउँपालिका–८ का वडाध्यक्ष गणेश बोहराले बताए ।
उनले भने ‘राती एक बजे गएको पहिरोमा पुरीएको ३ जनाको शव फेला पारेका छौ । तर मृतकको पहिचान भने हुन सकेको छैन ।’
उनका अनुसार उद्दार टोली नपुग्दा स्थानिय आफै उद्दार कार्यमा खटिएका छन् ।
उनले भने ‘पहिरोले १८ घर बगाएको छ । हाल स्थानियले ३ जनाको शव फेला पारेका छन् । अन्य ४ जनाकोको पनि खोजी कार्य भैरहेको छ ।’
