महेन्द्रनगर । बझाङको केदारस्यु गाउँपालिका–८ को एक बस्तीनै पहिराले बगाउँदा कम्तिमा ७ जना बेपत्ता भएका छन् ।
शुक्रबार परेको अबिरल वर्षासँगै जिल्लाको केदारस्युँ गाउँपालिका–८ स्थित मल्लेस गाउँको माथिबाट आएको पहिरोले १७ घर बगाएको र कम्तिमा ७ जना बेपत्ता भएको स्थानीय लोकेन्द्र बिकले बताए ।
उनले भने ‘गाउँको माथीबाट आएको पहिरोले मल्लेस गाउँका १७ घर बगाएको छ भने ७ जना बेपत्ता भएका छन् ।’
हाल सम्म प्रहरी टोली घटनास्थल नपुगेको उनले बताए । यद्यपी प्रहरी टोली घटनास्थलतर्फ गइरहेको जिल्ला प्रहरी कार्यालय प्रमुख प्रहरी नायव उपरिक्षक गणेश बमले बताए ।
उनले भने ‘प्रहरी टोली घटनाको खबर पाउने बित्तिकै घटनास्थलतर्फ गइसकेको छ । बाटो खराबीका कारण त्यहाँ पुग्न ढिलाई हुन गएको छ ।’
टोली त्यहा नपुगेकोले पहिरोले कति क्षति पुर्याएको छ भन्ने अहिले पुरै जानकारी नआएको डिएसपी बमले बताए ।