महेन्द्रनगर । कञ्चनपुरको भीमदत्त नगरपालिका–९ का वडाध्यक्ष राम नाथ पक्राउ परेका छन् ।
गएराती मदिरा सेवन गरी भीमदत्त नगरपालिका–९ स्थित बह्मदेव बजारमा स्थिानिय महिलामाथी दुव्र्यवहार गरेको आरोपमा वडाध्यक्ष नाथ पक्राउ परेका हुन् ।
मदिरा सेवन गरेर लठ्ठ भएका नाथले महिलालाई दुव्र्यवहार गरेको आरोपमा नियन्त्रणमा लिइएको जिल्ला प्रहरी कार्यालय कञ्चनपुरका प्रहरी नायव उपरिक्षक अमर थापाले बताए ।
‘मदिराको मातमा महिलामाथी दुव्र्यवहार गरेको आरोप पछि हामीले वडाध्यक्षलाई अनुसन्धानका लागि नियन्त्रणमा लिएका छौ ।’ डिएसपी थापाले भने ।
भीमदत्त नगरपालिका–९ ब्रह्मदेव बजारमा एक महिलालाई अंगालो हाल्दै अपशब्द प्रयोग गर्दै वडाध्यक्ष नाथले दुव्र्यवहार गरेको स्थानीयको आरोप छ ।
‘वडाध्यक्षले महिलालाई अंगालो हाल्दै अपशब्द प्रयोग गरी दुव्र्यहार गरेका छन् ।’ एक जना स्थानीयले भने । घटना पछि बिहिवार राती ब्रह्मदेव क्षेत्र तनावग्रस्त भएको थियो । वडाध्यक्ष जस्तो मान्छेले महिलालाई दुव्र्यवहार गरेको भन्दै आक्रोसित स्थानीयहरुले सीमा प्रहरी चौकी ब्रह्मदेव घेराउ गर्दै कारबाहीको माग सहित नाराबाजी गरेका थिए ।
घटना पछि राती वडाध्यक्षलाई नियन्त्रणमा लिएर सीमा प्रहरी चौकी ब्रह्मदेवमा राखिएको थियो । अहिले वडाध्यक्ष नाथलाई जिल्ला प्रहरी कार्यालय कञ्चनपुर पु(याइएको छ ।
हाल घटनाको थप अनुसन्धान भइरहेको डिएसपी थापाले बताए ।
