महेन्द्रनगर । सुदूरपश्चिममा पछिल्लो २४ घण्टामा १ सय २६ जनामा कोरोना पुष्टि भएको छ ।
सोमबार १ सय २६ जनामा कोरोना पुष्टि भए संगै प्रदेशमा जम्मा संक्रमितको संख्या २ हजार ३ सय ९७ पुगेको छ ।
बाजुराका २९ महिला,७१ पुरुष गरी जम्मा एक सय जना, कैलालीका ६ जना पुरुष, बैतडीका एक महिला, २ पुरुष गरी ३ जना,डडेल्धुराका २ महिला र डोटीका १२ महिला, ३ पुरुष गरी १५ जनामा सोमबार कोरोना पुष्टि भएको स्वास्थय तथा जनसंख्या मन्त्रालयले जनाएको छ ।
स्वास्थ्य तथा जनसंख्या मन्त्रालयका प्रवक्ता डा. डागेश्वर गौतमका अनुसार भरतपुर अस्पताल प्रयोगशालामा गरीएको परीक्षणमा कैलालीका एक जना पुरुषमा कोरोना पुष्टि भएको छ भने शिक्षण अस्पताल प्रयोगशालामा गरिएको परीक्षणमा बाजुरका २० महिला, ४६ जना पुरुषमा संक्रमण पुष्टि भएको छ ।
त्यस्तै कर्णाली स्वास्थ्य विज्ञान प्रतिष्ठानमा भएको परीक्षणमा बाजुराकै ८ महिला, २४ पुरुषमा कोरोना पुष्टि भएको छ ।
यता सेती प्रादेशिक अस्पतालमा गरीएको परीक्षणमा बैतडीका एक महिला,२ पुरुष, बाजुराका एक महिला,एक पुरुष, डडेल्धुराका २ महिला,डोटीका १२ महिला,३ पुरुष र कैलालीका ५ जना पुरुषमा कोरोना पुष्टि भएको सेती प्रादेशिक अस्पतालले जनाएको छ ।
सुदूरपश्चिममा हाल सम्म ६ जनाको मृत्यु भईसकेको छ भने ३ सय ६७ जना अस्पतालबाट डिस्चार्ज भएका छन् ।
