महेन्द्रनगर । सुदूरपश्चिममा कोरोना संकमितको संख्या २ हजार ७६ पुगेको छ ।
सुदूरपश्चिममा शनिबार एकै दिन थप २ सय २८ जनामा कोरोना पुष्टि भएको हो ।
राष्ट्रिय जनस्वास्थ्य प्रयोगशाला टेकुमा गरीएको परीक्षणमा सुदूरपश्चिमका १ सय १० जना, विर अस्पताल प्रयोगशालामा ६ जना, शिक्षण अस्पतालमा ८२ जनामा कोरोना पुष्टि भएको छ ।
राष्ट्रिय जनस्वास्थ्य प्रयोगशालामा भएको परीक्षणमा संक्रमित हुनेमा अछामका १ महिला, १२ पुरुष, बैतडीका ६ महिला,१८ पुरुष, बझाङका ४ पुरुष, बाजुराका १ महिला,३ पुरुष, डडेल्धुराका २ महलिा,६ पुरुष, डोटीका १५ महिला, ३१ पुरुष, कैलालीका २ महिला,६ पुरुष र कञ्चनपुरका ३ जना पुरुष रहेका स्वास्थ्य तथा जनसंख्या मन्त्रालयका प्रवक्ता डागेश्वर गौतमले जानकारी दिए ।
उनका अनुसार विर अस्पताल प्रयोगशालामा गरीएको परीक्षणमा बझाङका एक महिला, ३ पुरुष, डोटीका २ जना पुरुष रहेका छन् भने शिक्षण अस्पतालमा गरीएको परीक्षणमा बाजुराका ३२ महलिा, ५० जना पुरुषमा कारोना पुष्टि भएको छ ।
यता धनगढी स्थित कोरोना परीक्षण प्रयोगशालामा गरीएको परीक्षणमा डोटीका ९ महिला, ४ पुरुष, कैलालीका १३ पुरुष र ४ जना महिलामा कोरोना पुष्टि भएको सेती प्रादेशिक अस्पतालले जनाएको छ ।
