महेन्द्रनगर । सुदूरपश्चिममा कोरोना संकमितको संख्या १ हजार ९ सय ६७ पुगेको छ ।
प्रदेशमा शुक्रबार एकै दिन थप २ सय १९ जनामा कोरोना पुष्टि भएको छ ।
राष्ट्रिय जनस्वास्थ्य प्रयोगशाला टेकुमा गरीएको परीक्षणमा सुदूरपश्चिमका १ सय ८३ जना, भरतपुर अस्पताल प्रयोगशालामा गरीएको परीक्षणमा एक जना र धनगढी स्थित कोरोना परीक्षण प्रयोगशालामा गरीएको परीक्षणमा ३५ जनामा कोरोना पुष्टि भएको छ ।
राष्ट्रिय जनस्वास्थ्य प्रयोगशालामा भएको परीक्षणमा शुक्रबारबार संक्रमित हुनेमा अछामका एक पुरुष, बैतडीका ५ महिला,२० पुरुष, बझाङका ३ महिला,६ पुरुष, बाजुराका १० महिला,१७ पुरुष, दार्चुलाका ३ पुरुष, डोटीका १७ महिला, २९ पुरुष, कैलालीका ८ महिला, २२ पुरुष र कञ्चनपुरका ८ महिला, ३४ जना पुरुष रहेका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।
त्यस्तै भरतपुर अस्पताल प्रयोगशालामा गरीएको परीक्षणमा कैलालीका एक पुरुषमा कोरोना पुष्टि भएको उनले बताए ।
यता धनगढी स्थित कारोना परीक्षण प्रयोगशालामा गरीएको परीक्षणमा कैलालीका १ महिला,६ पुरुष, डोटीका ६ महिला, १९ पुरुष, बैतडीका २ पुरुष, र कञ्चनपुरका एक पुरुषमा कोरोना पुष्टि भएको सेती प्रादेशिक अस्पतालले जनाएको छ ।
