महेन्द्रनगर । सुदूरपश्चिममा कोरोना संकमितको संख्या १ हजार ७ सय ४८ पुगेको छ ।
प्रदेशमा विहिबार एकै दिन थप १ सय १८ जनामा कोरोना पुष्टि भएको छ ।
राष्ट्रिय जनस्वास्थ्य प्रयोगशाला टेकुमा गरीएको परीक्षणमा प्रदेशका १ सय ७ जनामा, सुर्खेत प्रादेशिक अस्पताल प्रयोगशालामा गरीएको परीक्षणमा ५ जनामा र कर्णाली स्वास्थ्य विज्ञान प्रतिष्ठानमा गरीएको परीक्षणमा ६ जनामा कोरोना पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिएका छन् ।
उनका अनुसार राष्ट्रिय जनस्वास्थ्य प्रयोगशालामा भएको परीक्षणमा विहिवारबार संक्रमित हुनेमा अछामका ४ महिला,९ पुरुष, बैतडीका एक पुरुष, बझाङका ३ महिला,१३ पुरुष, बाजुराका २ महिला,२ पुरुष, डडेल्धुराका १ महलिा ११ पुरुष, कैलालीका २ पुरुष र कञ्चनपुरका ११ महिला,४८ जना पुरुष रहेका छन् ।
यता सुर्खेत प्रादेशिक अस्पतालमा गरीएको परीक्षणमा संक्रमित हुनेमा बैतडीका १ पुरुष, बझाङका २ पुरुष, दार्चुलाका १ पुरुष, र कैलालीका १ पुरुष रहेका छन् ।
त्यस्तै कर्णाली स्वास्थ्य विज्ञान प्रतिष्ठानमा गरीएको परीक्षणमा बैतडीका १ पुरुष, बाजुराका ४ पुरुष र कञ्चनपुरका १ पुरुष रहेका छन् ।
हाल उनिहरु स्वास्थ्यकर्मीको सम्पर्कमा रहेको मन्त्रालयले जनाएको छ ।
