महेन्द्रनगर । सुदूरपश्चिममा कोरोना संक्रमितको सख्या ९ सय ३३ पुगेको छ । प्रदेशमा एकै दिन १ सय ६३ जनामा कोरोना पुष्टि भएको छ ।
धनगढी स्थित कोरोना परिक्षण प्रयोगशालामा गरीएको परिक्षणमा थप ६९ जनामा कोरोना पुष्टि भएको छ । सेती प्रादेशिक अस्पतालका अनुसार शनिवार संक्रमित हुनेहरुमा अछामका २ पुरुष, बैतडीका एक महिला,एक पुरुष, बझाङका २ पुरुष, डडेल्धुराका ४ महिला, २२ पुरुष,डोटीका ४ महिला, ७ पुरुष, कैलालीका २ महिला,२२ पुरुष र कञ्चनपुरका एक जना पुरुष रहेका छन् ।
यस अघि राष्ट्रिय जनस्वास्थ्य प्रयोगशाला टेकुमा गरीएको परिक्षणमा ९२ र त्रिभुवन विश्वविद्यालय शिक्षण अस्पताल प्रयोगशालामा गरीएको परिक्षणमा २ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिएका थिए ।
राष्ट्रिय जनस्वास्थ्य प्रयोगशालामा भएको परीक्षणमा संक्रमित हुनेमा बैतडीका १८ पुरुष, डडेल्धुराका ५ महिला, ७ पुरुष, डोटीका ९ महिला, ५२ पुरुष, कैलालीका एक पुरुष रहेका छन् ।
त्यस्तै त्रिभुवन विश्वविद्यालय शिक्षण अस्पताल प्रयोगशालामा गरीएको परिक्षणमा कैलालीका २ जना पुरुष रहेका छन् ।
