महेन्द्रनगर । सुदूरपश्चिममा कोरोना संक्रमितको सख्या ८ सय ६४ पुगेको छ ।
प्रदेशमा आइतवार एकै दिन ९४ जनामा कोरोना पुष्टि भएको छ ।
पछिल्लो २४ घण्टामा राष्ट्रिय जनस्वास्थ्य प्रयोगशाला टेकुमा गरीएको परिक्षणमा ९२ र त्रिभुवन विश्वविद्यालय शिक्षण अस्पताल प्रयोगशालामा गरीएको परिक्षणमा २ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिएका छन् ।
राष्ट्रिय जनस्वास्थ्य प्रयोगशालामा भएको परीक्षणमा संक्रमित हुनेमा बैतडीका १८ पुरुष, डडेल्धुराका ५ महिला, ७ पुरुष, डोटीका ९ महिला, ५२ पुरुष, कैलालीका एक पुरुष रहेका छन् ।
त्यस्तै त्रिभुवन विश्वविद्यालय शिक्षण अस्पताल प्रयोगशालामा गरीएको परिक्षणमा कैलालीका २ जना पुरुष रहेका छन् ।
