महेन्द्रनगर । सुदूरपश्चिममा कोरोना संक्रमितको सख्या ६ सय १५ पुगेको छ । प्रदेशमा विहिवार एकै दिन २ सय ३८ जनामा कोरोना पुष्टि भएको छ ।
पछिल्लो २४ घण्टामा राष्ट्रिय जनस्वास्थ्य प्रयोगशालामा गरीएको परिक्षणमा २ सय १३, धनगढी स्थित कोरोना परिक्षण प्रयोगशालमा गरीएको परिक्षणमा २४ र बाँकेको प्रयोगशालामा गरीएको परिक्षणमा एक गरी थप २ सय ३८ जनामा संक्रमण पुष्टि भएको हो ।
राष्ट्रिय जनस्वास्थ्य प्रयोगशालामा भएको परीक्षणमा संक्रमित हनेमा अछामका ११ महिला, ३१ पुरुष गरी ४२ जना, बैतडीका २ महिला, २३ पुरुष गरी २५ जना, बाजुरामा १५ महिला, २६ पुरुष गरी ४१ जना, डडेल्धुराका ७ महिला,७७ पुरुष गरी ८४ जना, कैलालीमा २ महिला, १९ पुरुष गरी २१ जनामा कोरोना पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिएका छन् ।
यस्तै धनगढी प्रयोगशालामा गरीएको परिक्षणमा संक्रमित हुनेमा कञ्चनपुरका २०, कैलालीका तीन र अछाम जिल्लाका एक जना गरी जम्मा २४ जनामा संक्रमण पुष्टि भएको सेती प्रादेशिक अस्पतालले जनाएको छ ।
उता बाँकेको प्रयोगशालामा गरीएको परिक्षणमा पनि कैलालीकै थप एक जना महिलामा कोरोना पुष्टि भएको थियो । उनमा मृत्युपछि कोरोना पुष्टि भएको हो ।
प्रदेशमा संक्रमणका कारण ४ जनाको मृत्यु भइसकेको छ भने ८१ जना कोरोना लाई जितेर घर फर्किसकेका छन् ।
