धनगढी । नेपालमा कोरोना भाइरस संक्रमणका कारण मृत्यु हुनेको संख्या २२ पुगेको छ । बुधवार कोरोनाका कारण कैलालीका दुई जनाको मृत्यु भएको पुष्टि भएको छ ।
सेती प्रादेशीक अस्पतालका अनुसार मृत्यु हुनेमा कैलालीको गोदावरी नगरपालिका–४ का ४६ बर्षीय पुरुष र लम्कीचुहाँ नगरपालीका–२ की ४३ वर्षिया महिला रहेका छन् ।
स्वस्थ्यमा समस्या आएपछि धनगढीकै नवजिवन अस्पतालमा उपचार गर्न गएका गोदावरीका ४६ वर्षिया ती पुरुषलाई कोरोना संक्रमण पुष्टि शनिवार भएको थियो ।
त्यसपछि उनलाई सेती प्रादेशीक अस्पतालमा सारीएको थियो । प्रादेशीक अस्पतालमै उपचारका क्रमका उनको मृत्यु भएको प्रादेशिक स्वस्थ्य निर्देशनालयका प्रमुख डा. गुणराज अवस्थीले बताए ।
बरिस्ठ फिजिसियन डा. निराजन दत्त शर्माकाअनुसार अस्पतालमा ल्याउँदा उनलाई कडा खालको निमोनिया थियो । थप उपचारका लागि काठमाडौं लैजान एयर एम्बुलेन्सको व्यवस्था हुन नसकेको बताइएको छ ।
यस्तै लम्की चुहा की ४३ बर्षीया महिलामा मृत्युपछि कोरोना संक्रमण पुष्टि भएको छ । टाउकोमा लागेको चोटका कारण उनलाई आइतबार नेपालगञ्ज मेडिकल कलेज, कोहलपुर भर्ना गरिए पछि सर्जरी गर्नुअघि पीसीआर टेष्ट गर्न स्वाब संकलन गरिएको थियो ।
उनको पिसिआर टेस्ट रिपोर्ट नआउदैँ उपचारका क्रममा मंगलबार निधन भएको स्वास्थ्य कार्यालय बांकका नरेश श्रेष्ठले बताए ।
उनले भने‘ ती महिलाको बुधबार साँझ कोरोना संक्रमण पुष्टि भएको रिपोर्ट आएको हो ।’
