महेन्द्रनगर । सुदूरपश्चिममा कोरोना संक्रमितको संख्या ३ सय २९ पुगेको छ ।
धनगढीस्थित कोरोना परीक्षण प्रयोगशालामा गरीएको परिक्षणमा थप ६८ जनामा कोरोना पुष्टि भएको छ ।
धनगढी स्थित सेती प्रादेशिक अस्पतालका अनुसार सोमवार संक्रमित हुनेमा अछामको मेल्लेख गाउँपालीकाका ३ पुरुष, बैतडीको शिवनाथ गाउँपालीकाका एक महिला, २० पुरुष, डोटीको पूर्वीचौकी गाउँपालीकाका एक पुरुष, आदर्श गाउँपालीकाका २ पुरुष, शिखर नगरपालीकाका एक महिला, १६ पुरुष, कैलालीको बर्दगोरीया गाउँपालीकाका एक पुरुष, धनगढी उपमहानगरपालीकाका एक महिला, ३ पुरुष, टिकापुर नगरपालीकाका ८ पुरुष र कञ्चनपुरको बेलौरी नगरपालीकाका ११ पुरुष रहेका छन् ।
अहिले उनिहरु स्वास्थ्यकर्मीको सम्पर्कमा रहेका र उनिहरुको स्वास्थ्य अवस्था सामान्य रहेको सेती प्रादेशिक अस्पतालले जनाएको छ ।
