बल्ल सञ्चालनमा आयो कञ्चनपुरको कोरोना अस्पताल

महेन्द्रनगर । कञ्चनपुरको महेन्द्रनगर स्थित कोरोना अस्पताल झन्डै तीन साता ढीलो सञ्चालनमा आएको छ ।

शुक्रवार एक कार्यक्रमका बिच सुदूरपश्चिम प्रदेशका सामाजिक विकासमन्त्री कृष्णराज सुवेदीले उक्त अस्पतालको उद्धघाटन गरेका हुन् ।

जेठ ७ गते नै निर्माण कार्य सम्पन्न गर्नु पर्ने सम्झौता भएपनि ठेकेदारको लापरबाहीले झन्डै तीन साता ढीलो अस्पताल सञ्चालनमा आएको हो ।

महाकाली अस्पताल परिसरमै निर्माण गरीएको उक्त कोरोना अस्पताल महाकाली अस्पतालले नै सञ्चालन गर्नेछ ।

९२ लाख ५४ हजारमा कोरोना अस्पताल निर्माणका लागि विपिन विल्र्डसले निर्माणको जिम्मा पाएको थियो ।

५० शैयाको उक्त अस्पतालमा अब नयाँ संक्रमित भएर आउने बिरामीलाई राख्ने महाकाली अस्पताल ब्यवस्थापन समितिका अध्यक्ष कृष्णदत्त जोशी(बोक्सर)ले बताए ।

उनका अनुसार हाल महाकाली अस्पतालमा कैलालीका ७ जना,काठमाण्डौँका २ जना र कञ्चनपुरका २४ जना गरी जम्मा ३३ जना संक्रमितको उपचार भैरहेको छ ।

उनले भने‘कोरोना अस्पताल त सञ्चालनमा आयो अब पीसीआर मेसिन जडानका लागि आवश्यक पूर्वाधार र जनशक्तिको अभाव छ । त्यसका लागी सम्बन्धित निकायमा पहल गरी रहेका छौ ।’

त्यस्तै उनले महाकाली अस्पताललाई प्रादेशीक अस्पताल बनाउन पनि सामाजिकमन्त्रि संग छलफल भएको जानकारी दिए ।

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?