महेन्द्रनगर । अछाममा २ सय बढीको स्वाव संकलन गरी परिक्षणका लागी सेती प्रादेशीक अस्पतालमा पठाइएको छ ।
मंगलवार जिल्लामा देखिएका नयाँ १० जना संक्रमितको सम्पर्कमा आएका २ सय १७ जनाको स्वाव संकलन गरी परिक्षणका लागी धनगढी स्थित सेती प्रादेशीक अस्पतालमा पाठाइएको प्रमुख जिल्ला अधिकारी पुण्य बिक्रम पौडेलले बताए ।
उनले भने ‘मंगलवार देखीएका नयाँ १० जना संक्रमितको सम्पर्कमा आएकाहरुको स्वाव संकलन गरी परिक्षणका लागी आजै पठाइएको छ ।’ ‘ती नयाँ संक्रमित केही दिन अगाडी भारतबाट आएकाले उनिहरुको सम्पर्कमा धेरै जना आएका हुन् ।’ प्रमुख जिल्ला अधिकारी पौडेलले भने ।
मंलवार एकैदिन अछाममा थप १० जनामा कोरोना संक्रमण पुष्टी भए संगै जिल्लामा संक्रमीतको सख्या १३ पुगेको छ ।
नयाँ संक्रमीत हुनेमा मेल्लेख गाउँपालिकाका–४, कुष्कोटका आठ जना, चौरपाटी गाउँपालिका–२ का एक जना र अछाम जिल्ला अस्पतालका एक जना एम्बुलेन्स चालक गरी १० जनामा कोरोना पुष्टी भएको थियो ।
हाल ती सबै संक्रमीतहरुलाई जिल्ला अस्पतालको आइसोलेसन वार्डमा राखेर उपचार भैरहेको प्रमुख जिल्ला अधिकारी पौडेलले बताए । फाइल तस्विर
