महेन्द्रनगर । बैतडीको एक क्वारेन्टिनमा बसेकी महिलाको मृत्यु भएको छ । १६ जेठमा गौरिफण्टा नाकाबाट नेपाल प्रवेश गरेकी पुर्चौडी नगरपालिका–४ भटनाकी २२ बर्षिया सुनिता लुहारको मंगलबार बिहान मृत्यु भएको हो ।
मालिका माध्यमिक विद्यालयको क्वारेन्टिनमा उनको मृत्यु भएको सहायक प्रमुख जिल्ला अधिकारी लोकेन्द्रसिंह नेगीले जानकारी दिए । स्थानीय वासिन्दाका अनुसार मृतक लामो समयदेखि मुटु रोगी रहेको र उपचारका लागि भारतको पिथौरागढमा जाने गरेकी थिइन् ।
मृतकको १८ महिने बच्चा र श्रीमान पनि क्वारेन्टिनमै बसिरहेका छन् । कोरोना परीक्षणका लागि मृतककोस्वाव संकलन गर्न स्वास्थ्य टोली पठाइएकोे नेगीले बताए । मृतकका श्रीमान र बच्चाको पनि स्वाब संकलन गरिने बताइएको छ ।मानसखण्ड
