एजेन्सी
चर्चित बलिउड संगीतकार, निर्देशक तथा गायक वाजिद खानको निधन भएको छ । ४२ वर्षको उमेरमा सोमबार बिहान उनको निधन भएको इण्डिया टुडेले जनाएको छ ।
संगीतकार समिल मर्चेन्टले वाजिदको मृत्यु भएको पुष्टि गरेका हुन् । स्वास्थ्यमा गम्भीर समस्या उत्पन्न भएपछि वाजिद केही दिन अगाडि मुम्बईको चेम्बुरस्थित सुराना अस्पताल भर्ना भएका थिए ।
‘उहाँलाई धेरैवटा समस्या थियो । किड्नीको समस्या थियो, केही महिना अगाडिमात्र त्यसको प्रत्यारोपण भएको थियो । हालैमात्र उहाँले मृगौलामा संक्रमण भएको थाहा पाउनुभएको थियो । अवस्था बिग्रदैं गएपछि विगत ४ दिनदेखि भेन्टिलेटरमा हुनुहुन्थ्यो। संक्रमण सुरू भएको मात्र थियो तर अवस्था बिग्रदैं गयो’ सलिमले भने ।
केही दिन अगाडि उनमा कोरोना पोजेटिभ पनि पुष्टि भएको थियो । वाजितको निधनमा संगीतकर्मी र बलिउडकर्मीहरूले शोक व्यक्त गरेका छन्।
