छाङ्गरू स्थित महाकाली नदी किनारमा आजदेखि सशस्त्रको गस्ती (फोटो फिचर)

नेपाल–भारत सीमा क्षेत्र दार्चुला जिल्लाको व्यास गाउँपालिका–१ छाङ्गरू (गागा) स्थित महाकाली नदी किनारमा सशस्त्र प्रहरीको टोलीले गस्ती सुरू गरेको छ।

लिपुलेक क्षेत्रको सीमा सुरक्षाका लागि बुधबार सशस्त्र प्रहरी बल बिओपी स्थापना गरिएको थियो।

इतिहास मै पहिलो पटक सरकारले जिल्ला सदरमुकाम खलङ्गास्थित सशस्त्र प्रहरी बल नेपाल नं ५० गुल्मबाट बुधबार यहाँको सीमा सुरक्षाका लागि सशस्त्रको टोली पठाएको हो।

आफ्नो बन्दोबस्ती र गाँस, बास, कपासको जोहो गर्ने काम पूर्ण नहुँदै सशस्त्रले सीमा गस्तीलाई उच्च प्राथमिकता दिएर गस्ती नियमित गरेको हो।

केही टोली दार्चुलाबाट आउँदै गर्दा अघिल्लो दिन आइपुगेका टोली सुरक्षामा खटिएको थियो । टोलीले भारतसँग जोडिएको महत्वपूर्ण नाका सीतापुलबाट गस्ती थालेको हो। नेपाल र भारत आवागमनका लागि यहाँको सीमा क्षेत्रमा महाकाली नदीमाथि बनेको काठे कच्ची पुल छ । त्यही पुलबाट नेपालीहरू आवतजावत गर्ने गर्छन्। अहिले लकडाउनका कारण यहाँबाट आवतजावत ठप्प छ।

सीतापुलको नेपालतर्फको भूभागमा नियमित ड्यूटीमा टोली परिचालन हुने सीमा निगरानी चौकी (बीओपी)का प्रमुख सशस्त्र प्रहरी निरीक्षक लिलीबहादुर चन्दले बताए । उनका अनुसार उक्त बिओपीले यहाँको छाङ्गरू, कौवा, तिङ्कर, बुदी, नितिकुण्डालगायतको क्षेत्रका सुरक्षा गर्नेछ।

गस्ती सुरू गर्नुअघि सीमा अवलोकनका क्रममा गृह मन्त्रीका सुरक्षा सल्लाहकार प्रा डा ईन्द्रजीत राई र सशस्त्र प्रहरी निरीक्षक चन्दसँग सीमा सुरक्षामा खटिएको भारतीय एसएसबीका भुपेन्द्रकुमारले भेट गरेका थिए।

उक्त अवसरमा नेपालले आफ्नो सुरक्षाका लागि टोली ल्याएको जानकारी दिँदै डा राईले अन्य विषयहरु सरकारबीच नै छलफल हुने भएकाले आपसी समन्वयमा काम गर्नुपर्ने सुझाव दिए । रासस

https://raracms.setopati.com/uploads/shares/sena gasti/sena (1).jpg

https://raracms.setopati.com/uploads/shares/sena gasti/sena (1).jpg

https://raracms.setopati.com/uploads/shares/sena gasti/sena (1).jpg

https://raracms.setopati.com/uploads/shares/sena gasti/sena (1).jpg

setopati

Leave A Reply

Please enter your comment!
Please enter your name here

ताजा खबर

महाकाली नदीको बाढीमा फसेका ५ जनाको सकुसल उद्धार

कार्तिक ०२ महेन्द्रनगर । महाकाली नदीको बाढीमा फसेका भीमदत्त...

बझाङको थलारामा पहिरो

कार्तिक ०२ महेन्द्रनगर । बझाङमा पहिरो जादा ठूलो धनजनको...

सेतीको बाढीले अछाम र बाजुरा जोड्नेपुल छोयो,

 कात्तिक,२ डोटी । सेती नदीमा बाढीको सतह अत्यधिक बढेपछि...

लगातारको वर्षाले महेन्द्रनगरको भाईरल रोड महाकाली नदीले कटान

 कार्तिक ०२, कञ्चनपुर । कञ्चनपुरमा भाइरल रोडका नामले परिचित...

बर्षातले अन्न नष्ट, कञ्चनपुरका किसानलाई महासंकटमा

कार्तिक  ०१ कन्चनपुर । धान भित्र्राउने बेला बर्षा भएसंगै...

Website developed by:

छुटाउनु भयो कि ?