कञ्चनपुरकी कोरोना संक्रमित महिलाको सम्पर्कमा आएका ३० जनाको स्वाब संकलन गरी धनगढी पठाइयो

महेन्द्रनगर । कञ्चनपुरको बेदकोट नगरपालिका–१० सिसैया हरपालकी ३३ वर्षीया कोरोना संक्रमित महिलाको सम्पर्कमा आएका  ३० जनाको स्वाब संकलन गरी परिक्षणका लागी कैलालीको सेती प्रादेशिक अस्पतालमा पठाइएको छ ।

कञ्चनपुरबाट काठमाडौँ गएकी ती महिलामा कोरोना संक्रमण देखिएपछि स्वास्थ्य कार्यालय कञ्चनपुरले उनको सम्पर्कमा रहेका व्यक्तिको खोजी कार्य (कन्ट्याक्ट ट्रेसिङ) सुरु गरेको थियो ।

कन्ट्याक्ट ट्रेसिङका आधारमा ती संक्रमित महिलाको सम्पर्कमा आएका ३० जनाको स्वाब संकलन गरी धनगढी पठाइएको हो ।

कोरोना संक्रमित महिलाको सम्पर्कमा आएका कञ्चनपुरको बेदकोट नगरपालीकाका स्थानिय ३० जनाको स्वाब संकलन गरी परिक्षणका लागी सेती प्रादेशिक अस्पताल पठाइएको बेदकोट नगरपालीकाका नगर प्रमुख अशोक कुमार चन्दले बताए ।

उनले भने ‘हरपाल बस्तिमा थप परिक्षणको दायरा बढाउनु पर्छ, परिक्षण दायरा बढाउन हामीले सम्बन्धित निकाय संग थप किट माग गरेका छौँ ।’

संक्रमित महिलाले कञ्चनपुरमा झण्डै दुई महिना बिताएकी थिइन् ।

स्वास्थ्य कार्यालय कञ्चनपुरले निकालेको संक्रमित महिलाको ‘ट्राभल हिस्ट्री’ अनुसार उनी चैत ६ गते कान्छो देवरको ब्रतबन्ध कार्यका लागि काठमाडौँबाट बसमा कञ्चनपुर बेदकोट नगरपालिका–१० हरपाल, सिसैयास्थित घरमा आएकी थिइन् ।

बसमा उनकै देवर, १४ वर्षीया छोरी र ९ वर्षका छोरा समेत काठमाडौँबाट कञ्चनपुर आएका थिए । उनी चढेको बसमा कति मानिस थिए भन्ने अझै खुलेको छैन् ।

सशस्त्र प्रहरीबाट अवकास प्राप्त ती महिलामा देखिएको कोरोना संक्रमणको स्रोत पनि पत्ता नलागेको स्वास्थ्य कार्यालयले जनाएको छ ।

ब्रतबन्धका लागि पुख्र्यौली घर डडेल्धुराको भागेश्वर गाउँपालिकामा पर्ने लामकाँडा जाने तयारीमा रहेकै बेला लकडाउन भए पछि उनिहरु बेदकोट नगरपालिकास्थित घरमै रोकिएका थिए ।

कञ्चनपुर पुगेका उनिहरु झण्डै ५२ दिन पछि काठमाडौँ फर्किए । मेडिकल टिम लिएर काठमाडौँबाट धनगढी आएको सशस्त्र प्रहरीको भ्यानमा उनिहरु काठमाडौँ फर्किएको खुलेको स्वास्थ्य कार्यालय कञ्चनपुरका कोरोना फोकल पर्सन सिद्धराज भट्टले बताए ।

संक्रमित महिलाका श्रीमान काठमाडौँस्थित सशस्त्र प्रहरीको बलम्बु अस्पतालको ल्याबमा कार्यरत छन् । संक्रमित महिलाले कैलालीको अत्तरिया पुग्न अटो प्रयोग गरेका छन् ।

वैशाख २८ गते बेलुका अटोमा दुई बच्चा (१४ बर्षीया छोरी, नौ बर्षीय छोरा) लाई लिएर कैलालीको अत्तरिया पुगिन् । कोराना संक्रमित महिलालाई कैलालीको अतरियासम्म ओसार्ने अटो चालक उनकै गाउँकै हुन । उनको मासु पसल समेत रहेको बुझिएको छ ।

मेडिकल टिम लिएर धनगढी आएको सशस्त्र प्रहरीको भ्यानमा संक्रमित महिला, उनका छोरा छोरी र अन्य ५ जना (फर्केको भ्यानमा रहेका) गरी आठ जना त्यो राती कोहलपुरमा बास बसेका थिए ।

त्यसपछि बैशाख २९ गते बिहानै उनिहरु काठमाडौंका लागि त्यहाँबाट हिडेका थिए । बाहिर जिल्लाबाट आउनेहरु रुटिन जाँच अन्तरगत काठमाडौंमा सशस्त्र प्रहरीको क्याम्पमा सो भ्यानमा रहेका सबैको स्वास्थ्य जाँच गरिएको थियो ।

उनीहरुमध्ये ती महिलामा मात्रै मंगलवार बेलुका कोरोना पोजेटिभ देखिएको थियो । पुख्र्यौली घर डडेल्धुरा भएका उनीहरु पछिल्लो समय कञ्चनपुर सरेका थिए ।

तर हाल काठमाडौँको चन्द्रागिरी नगरपालिका– ९ मा बस्दै आएका छन् । बेदकोट नगरपालिका–१० हरपाल गाउँमा उनको परिवारमा हाल पाँच सदस्य रहेका छन् ।

Leave A Reply

Please enter your comment!
Please enter your name here

ताजा खबर

कञ्चनपुर प्रशासनद्धारा जारी सवारीसाधन सञ्चालनका सबै पास रद्ध गरियो

महेन्द्रनगर । जिल्ला प्रशासन कार्यालय कञ्चनपुरले शनिबारदेखि लागू हुनेगरी...

ब्रेकिङः बाँकेमा थप ८ जनामा कोरोना भेटियो, संक्रमितको संख्या २५८ पुग्यो

महेन्द्रनगर । नेपालमा कोरोना भाइरस संक्रमितको संख्या २५८ पुगेको...

ब्रेकिङः थप ३ जनामा कोरोना भेटियो, संक्रमितको संख्या २४९ पुग्यो

महेन्द्रनगर । नेपालमा कोरोना भाइरस संक्रमितको संख्या २४९ पुगेको...

छाङ्गरू स्थित महाकाली नदी किनारमा आजदेखि सशस्त्रको गस्ती (फोटो फिचर)

नेपाल–भारत सीमा क्षेत्र दार्चुला जिल्लाको व्यास गाउँपालिका–१ छाङ्गरू (गागा)...

ट्रकले मोटरसाइकललाई ठक्कर दिँदा स्टाप नर्सको मृत्यु

जनकपुरधाम– धनुषाको पूर्व–पश्चिम राजमार्गमा ट्रकको ठक्करबाट स्टाफ नर्सको मृत्यु...

Website developed by:

संबन्धित खबर