महेन्द्रनगर । मंगलबार काठमाडौं चन्द्रागिरि–९ मच्छेगाउँमा भेटिएकी संक्रमित महिला वैशाख २९ गते कञ्चनपुरको महेन्द्रनगरबाट काठमाडौं गएको पुष्टि भएको छ।
आएको भोलिपल्टै उनको स्वाब परीक्षण गरिएकोमा मंगलबार पोजेटिभ रिपोर्ट आएको हो ।
३३ वर्षीया ती महिला प्राइभेट गाडीमा महेन्द्रनगर बाट गएको बुझिएको छ ।
उनलाई मंगलबार राति नै टेकु अस्पतालमा लगिएको चन्द्रागिरि नगरपालिकाका प्रवक्ता हरिभक्त महर्जनले जानकारी दिए ।
‘उनको सम्पर्कमा आएको कन्ट्याक्ट ट्रेसिङ भइरहेको छ,’ उनले भने।
यसअघि भक्तपुरमा भेटिएका दुईमध्ये एक जना महिला सुनसरीबाट तीन दिन अघि काठमाडौं आएको खुलेको थियो ।
हिजैमात्रै एकैचोटि ८३ जनामा कोरोना देखिएको थियो। तीमध्ये उपत्यकाका तीन जनामा कोरोना पुष्टि भएको हो ।
यसअघि मंगलबारमात्रै ८३ जनामा कोरोना देखिएको थियो । सेतोपाटी
