महेन्द्रनगर । कञ्चनपुरको महेन्द्रनगरमा गएराती एक किराना पसलमा चोरी भएको छ ।
जिल्ला प्रहरी कार्यालय नजिकै रहेको रामचन्द्र भट्टको केदार खुद्रा किराना पसलको सटर फोडेर गएराती चोरी गरीएको वडा प्रहरी कार्यालय महेन्द्रनगरका प्रहरी निरीक्षक मोहनजङग बुढथापाले बताए ।
उनकाअनुसार पसलमा रहेको चिनि,तेल,नुन,लगाएतको सामाग्री चोरी भएको छ ।
उनले भने ‘चिनि,नुन,तेल लगाएका सामाग्री चोरी भएका छन्,यद्यपी नगद भने चोरी भएको छैन ।’ उनले थपे‘हाल घटनाको अनुसन्धान भइरहेकोे छ ।’
लकडाउनका कारण पसल एक महिना देखी बन्द रहेको थियो ।
