महेन्द्रनगर । विश्व महामारीको रुपमा फैलिरहेको कोरोना भाइरस रोकथाम तथा नियन्त्रणका निम्ति देश लकडाउन गरीको छ भने शंकास्पद व्यक्तिलाई क्वारेन्टिनमा राखीएको छ ।
यद्यपी महामारीको रुपमा फैलीरहेको उक्त भाइरसबाट निको भएर घर फर्किनेहरुको संख्या पनि दिनप्रतिदिन बढ्दो छ ।
कञ्चनपुरका कोरोना संक्रमित पुरुष पनि निको भएर घर फर्किसकेका छन् । त्यस्तै जिल्लामा क्वारेन्टिनमा बसेका झन्डै ५ सय जना क्वारेन्टिन अवधी सकेर घर फर्किसकेका छन् ।
जिल्ला प्रशासन कार्यालय कञ्चनपुरका अनुसार जिल्लामा शनिवार सम्म ४ सय ९५ जना क्वारेन्टिन अवधी सकेर घर फर्किसकेका छन् ।
क्वारेनिटन अवधी सकेर ४ सय ९५ जना घर फिर्ता भइसेका र अब जिल्लामा १ सय ३० जना मात्र क्वारेन्टिनमा रहेका जिल्ला प्रशासन कार्यालय कञ्चनपुरकी प्रशासकीय अधिकृत कल्पना भट्टले बताइन् ।
उनका अनुसार जिल्लामा हाल सम्म २ सय ५ जनाको स्वाव परिक्षण र १ हजार ७ सय ४० जनाको ¥यापिड परिक्षण गरीएकोमा एक जनाको रिपोर्ट पोजेटिभ(हाल निको भएर घर फर्किसकेका पुरुष) र बाकीँ सबैको नेगेटिभ आएको छ ।फाईल फोटो
