महेन्द्रनगर । भारतीय सीमा सुरक्षा बल (एसएसबी)ले ४ नेपालीलाई पक्राउ गरेको छ ।
सोमवार महाकाली नदी पार गर्दै नेपालबाट अवैध रूपमा भारतको पिथौढागड प्रवेश गरेपछि उनिहरुलाई पक्राउ गरीएको भारतीय सञ्चार दैनिक जागरणले लेखेको छ ।
पिथौढागडमा लकडाउन खुकुलो भएपछि काम खोज्दै नेपालको दार्चुला जिल्लाका शंकर सिंह,राजेश निरोला,महेश टमटा र संतोस गौतम त्यहा पुगेका थिए ।
विश्व महामारीको रुपमा फैलीरहेको कोरोना भाइरस रोकथामका लागी नेपाल–भारत सीमा सबै बन्द गरीएको छ ।
तर भारत सरकारले केही सहरमा लकडाउन खुकुलो पारेपछी काम खोज्दै ती नेपाली पौडी खेलेर अवैध रुपमा महाकाली नदी पार गरी भारत प्रवेश गरेको भन्दै एसएसबिले पक्राउ गरेको हो ।
भारतीय सञ्चार माध्यमका अनुसार पक्राउ गरीएका ती नेपालीहरुको स्वास्थ्य परिक्षण गरी पिथौढागड स्थित बारहम क्वारेन्टाइनमा पठाइएको छ ।
