महेन्द्रनगर । कञ्चनपुरको शुक्लाफाँटा नगरपालिका–६ ले दैनिक ज्याला मजदुरी गरि गुजारा चलाउँदै आएका विपन्न परिवारलाई राहत वितरण गरेको छ ।
कोरोना भाइरस रोकथामका लागि देश लकडाउन भएपछि दैनिक ज्यालामजदुरी गरेर जिविका चलाउने परिवारलाई खाना खान पनि समस्या परिरहेको अवस्थामा शुक्लाफाँटा नगरपालीका–६ले वडाक्षेत्रका ५२ विपन्न परिवारलाई राहत वितरण गरेको हो ।
उनीहरुको समस्यालाई मध्यनजर गर्दै वडा कार्यालयले पहिलो चरण अन्तर्गत ती परिवारलाई राहत वितरण गरिएको र आवश्यक परेमा अर्को चरणमा पनि राहत वितरण गरिने वडाध्यक्ष जगत रानाले बताए ।
उनले भने ‘वडाबाट २ लाख रकम छुट्याई सरकारको मापदण्डअनुरसार प्रति परिवार ३० किलो चामल, ३ किलो दाल, २ लिटर तेल, ४ साबुन र २ किलो नुन वितरण गरिएको छ ।’
