महेन्द्रनगर । कैलालीको लम्कीचुहाँ नगरपालीका–९ प्रतापुरका कोरोना संक्रमित २१ वर्षीय युवकले कोरोना भाइरस (कोभिड–१९) लाई जितेका छन् ।
१६ दिनअघि कोरोना संक्रमण पुष्टी भएपछि जिल्ला स्थित सेती प्रादेशीक अस्पताल भर्ना भएका युवक आइतबार डिस्चार्ज हुने भएका छन् ।
कोरोना देखिएको १६ दिनमै उनी डिस्चार्ज हुन लागेका हुन् ।
उनको दुई वटा रिपोर्ट नेगेटिभ आएपछि आइतबार ४ बजेपछि घर पठाउने तयारी गरिएको सेती प्रादेशीक अस्पतालले जनाएको छ। ती युवक भारतको मुम्बईबाट चैत ११ गते नेपाल फर्किएका थिए ।
सेती प्रादेशीक अस्पतालमा अब चारजना कोरोना संक्रमीत विरामी उपचाररत छन्।
