इटहरी । सुनसरीको इनरुवाका एक व्यक्तिले घरमा सुतिरहेका पत्नी र दुई छोरीहरूलाई आगो लगाई फरार भएका छन् ।
तीन दिनअघिको घटना भए पनि डरले प्रहरीसमक्ष ढिलो उजुरी आएपछि हिजो मात्र घटनाबारे थाहा भएको हो ।
इनरुवा नगरपालिका-८ डुम्राहा सतखोलियाका सियाराम उराँवले २० चैत बेलुका खाना खाएर श्रीमती कमलकुमारी उराँव, ७ वर्षकी छोरी प्रतिक्षा र ४ वर्षकी छोरी प्रतिज्ञालाई सुतिरहेको अवस्थामा घरमा आगो लगाएर भागेका हुन् ।
जिल्ला प्रहरी कार्यालय सुनसरीका प्रहरी नायव उपरीक्षक विनोद शर्माका अनुसार जलेर घाइते आमाछोरीहरूको इनरुवा अस्पतालमा प्रारम्भिक उपचारपछि विराटनगरस्थित कोशी अस्पतालमा उपचार भइरहेकको छ ।
त्रासले उजुरी गर्न लुकाइएको सो घटना तीन दिनपछि पिडितको माइतीबाट आफन्त आएर प्रहरी कार्यालयमा उजुरी गरेपछि बाहिर आएको उनले बताए ।
प्रहरीले फरार रहेका सियारामको खोजी गरिरहेको छ ।देखापढी
