महेन्द्रनगर । कञ्चनपुरको भीमदत्त नगरपालीका–७ खैरेनीका समाजसेवी भास्कर पन्तले ‘एमएन’ नामक परोपकारी ट्रष्टकोष स्थापना गरेका छन् ।
विहिवार आफ्नो २१ औँ जन्मउत्सवका अवसरमा बुवा महेश पन्त र आमा नारायणी पन्तको नाममा ‘एमएन’ नामक परोपकारी ट्रष्टकोषको स्थापना गरेको समाजसेवी पन्तले बताए ।
देशमा रहेका विपन्न परिवारका बालवालिकाहरुको शिक्षा तथा स्वास्थ्य लगाएत अन्य सामाजिक क्षेत्रमा लगानी गर्ने मुलउद्देश्य सहित उक्त परोपकारी ट्रष्टकोष्को स्थापना गरीएको उनले बताए ।
उनले भने‘विपन्न बालवालिकाहरुको शिक्षा तथा स्वास्थ्य लगायत अन्य सामाजिक कार्यमा लगानी गर्ने उद्देश्यले यो ट्रष्टकोष स्थापना गरीएको हो ।’ उनले थपे ‘ हाल १० हजार रुपैया जम्मा गर्दै उक्त ट्रष्टकोष स्थापना गरेको छु ।, अब प्रत्यक महिना म मेरो जम्मा कमाईको २० प्रतिशत ट्रष्टकोषमा जम्मा गर्दै जानेछु ।’
समाजसेवी पन्त कञ्चनपुरको महेन्द्रनगर स्थित मीतजी इनकर्पोरेट प्राइभेट लिमिटेडका संस्थापक हुन् ।
लियो क्लव अफ शुक्लाफँटा स्माइलका संस्थापक अध्यक्ष समेत रहेको पन्त यस्ता समाजिक कार्यमा निरन्तर गर्दै आएका छन् ।
