- महेन्द्रनगर । गायक नवराज कलौनीको ‘जौ पात’ को रीमेक सार्वजनिक भएको छ ।
बुधवार नवराज कलौनीको अफिसियल युटुव च्यनल बाट सार्वजनिक भएको ‘जौ पात’को रीमेक ‘जौ पात’ का ओरिजिनल गायक भोजराज भट्टबाट लिखित अनुमती लिएर सुदूरपश्चिमको भाकामा रीमेक निर्माण गरीएको गायक कलौनीले बताए ।
उनले भने ‘चर्चित गीत ‘जौ पात’ लाई सुदूरपश्चिमको लोक भाकालाई संकलन गरी फरक शैलिमा प्रस्तुत गरेका छौ ।’
‘जौ पात’को रीमेक राजेन्द्र भट्ट (मिस्टर आरजे)ले गरेका छन् भने, श्वर नवराज कलौनी र पुस्पा बोहराको रहेको छ ।
त्यस्तै बिक्रम चौहानले निर्देशन गरेको उक्त रीमेक गीतको भीडियोमा सिबेश लेस र पुजन घिमिरे,एल.पी. जोशी, प्रसंशा सुनारले अभिनय गरेका छन् ।
गायक कलौनीले सुदूरपश्चिमको भाका रहेका ‘बेहुलो सिपाही छ तथा चक्करी चक्करी’ लगायतका दर्जनौ गीतहरुमा श्वर दिइसकेका छन् ।
